Bisbarra, 31 de outubro do 2023 – A Xunta de Galicia acomete a limpeza e conservación de varios regos interurbanos no concello de Padrón.
Trátase dos regos de Tarrío, de Avelenda, de Castrelo e nun rego innominado, nunha lonxitude de preto de 5 km. Traballos que forman parte do mantemento que se veñen realizando nas áreas con risco potencial de inundacións.
As tarefas céntranse na roza puntual e selectiva e na retirada de árbores e pólas caídas na canle para evitar atoamentos. Unha vez finalizadas estas actuacións, os ríos quedarán despexados de maleza, posibilitando así a circulación fluída das súas augas.
Augas de Galicia desenvolve estas accións no marco do programa de mantemento, conservación e mellora do dominio público hidráulico das bacías de Galicia-Costa no ámbito territorial da zona Galicia-centro e nas súas zonas de acceso e protección.
