Bisbarra, 26 de abril do 2024 – O cambio de goberno municipal destapou no concello da Baña unha situación económica ao borde de colapso que mellora con dificultades.
No pasado mes de febreiro a colación formada por Psoe e BNG aprobaba un orzamento para o presente exercicio e conseguía saldar facturas pendentes por valor de setecentos mil euros. O pleno celebrado esta semana lembrou que a situación non esta nin moito menos arranxada.
A Baña aprobou na sesión ordinaria de abril a liquidación do ano 2023. Quedaron constatados os datos de febreiro, o concello debía nas eleccións 1,6 millóns de euros e a día de hoxe hai un remanente de tesourería de 256.000 €.
O alcalde, José Antonio Pereira, incide no traballo realizado “A contención do gasto que fixemos a partir do mes de xuño permitiunos pechar o exercicio con 256.000 euros de remanente, pero o Concello segue tendo pendentes de pago facturas por máis de 800.000 euros ás que teremos que facerlle fronte este ano”.
Regulamento do PAI O Pleno da Corporación da Baña aprobou, tamén por unanimidade, a ordenanza que inclúe o regulamento de réxime interior do Punto de Atención á Infancia (PAI). Durante o período de exposición pública non se presentou ningunha reclamación a esta ordenanza.
