Bisbarra, 29 de abril do 2024 – No ano 2020 naceu en Rois Música N’aldea para levar a festa a aldea nun ano no que a aldea non podía organizala polo complicado da situación.
Cando as festas patronais volveron a organizarse, Música N’aldea mudou para continuar e adoptou un formato no que se facía nómade. En cada edición visitaríase unha das aldeas de Rois nun formato íntimo e centrado en respectar e por en valor o patrimonio.
Os organizadores o explican así “Non buscamos actos multitudinarios, xa que o que perseguimos é que o público non sexa un invasor para as persoas que lle dan vida á aldea todo o ano. Queremos que sexan uns convidados nun día de festa e que, como tal, se sintan acollidos”.
Música N’aldea non está concibido como un festival temático “abrímoslle as cancelas a calquera tipo de música. Tradicional, jazz, rock, blues… Todos os estilos teñen cabida. O noso selo identitario estará nas maridaxes musicais, promovendo colaboracións entre artistas e bandas que nunca antes actuaran xuntas. Ademais de música, calquera outra actividade cultural vai ser ben acollida”.
Por Rois pasaron xa Caamaño&Ameixeiras, Zumaque, Tralo Valo, Campeva, Raül Refree, Owl Light Trio, Xógara, El Nido… e agora traballan xa na edición 2024 que volverá ao inicio nas Casas do Porto, unha eira de hórreos que por si soa merece visitarse e pola que pasan algúns das rutas de sendeirismo do concello.
Edición 2024
A edición 2024 de Música N’aldea destina todo o recadado, coa venda de camisetas e a colleita que se está desenvolvendo en Verkami, á axuda ao pobo palestino. A cita o 12 e 13 de xullo e os artistas convidados:
🎶Venres:
- CELSO F. SANMARTIN
- AKSAK
- CARDELIMA
🎶Sábado:
- BOROA
- ÈLIA BASTIDA
- LUCÍA
Aparte diso o sábado habera actividades todo o día.
O festival neste 2024 dedicaselle ao conflicto en Palestina. Con este motivo 2 € da venta de cada camiseta do festival serán doados a “Médicos sin fronteras” .Se queredes votar unha man xa tedes o enlace pero ademais anotalo na axenda para que non se esqueza.
