Compostela, 23 de outubro do 2018 – O mercado La Galiciana acolleu o VI Campionato Galego de Tiraje de Cervexa de Estrella Galicia coa presenza de xogadores do Monbus Obradoiro e o Cafés Candelas Breogán que encargáronse de entregar os premios.
20 hostaleiros das provincias de Lugo e Coruña reuníronse en La Galiciana para competir polo título de mellor tirador de cervexa. Con eles participaron os xogadores do Monbus Obradoiro, Pepe Pozas e Andreas Obst, que se encargaron de entregar acompañados dos xogadores do Cafés Candelas Breogán, Salva Arco e Henk Norel. Mentres os xuíces tomaban a decisión de quen sería o gañador, os xogadores testaron ante todo o público as súas habilidades fronte as billas de Estrella Galicia. Andreas Obst e Henk Norel fixeron entrega, en primeiro lugar, do premio ao subcampión do VI Campionato de Tiraje de Cervexa Estrella Galicia a Daniel José Castro Arelas. Os capitáns de cada equipo, Pepe Pozas e Salva Arco, foron os encargados de entregar o primeiro premio a Laura Martínez Jiménez.
O evento serviu tamén como punto de partida moi especial para o baloncesto galego xa que o sábado, as seis da tarde en Lugo, disputarase o primeiro derbi galego na Liga Endesa entre o Obradoiro e o Breogán. Pepe Pozas e Andreas Obst atenderon aos medios de comunicación antes de concluír o evento e o capitán obradoirista confesou que a experiencia tirando canas “foi moi boa e divertida e, ademais, aprendemos a tirar unha cana correctamente”. Sobre o seu rival, Pozas asegurou que “tiveron unha pretemporada problemática con lesións, as Xanelas FIBA, etc. Creo que teñen un equipo moi compacto, con xente que leva tempo xogando xuntos desde hai anos e reforzouse con fichaxes que estou seguro de que cando estean mellor fisicamente, faralles ter un nivel alto na liga”.
Pola súa banda, Andreas Obst explicou que “acabamos de xogar contra o Real Madrid e aínda non tivemos moito tempo de falar do seguinte rival, pero este sábado sabemos que é o derbi galego e será un encontro especial polo que significa para o baloncesto galego”.