Vedra, 9 de xullo do 2020 – O concello de Vedra continúa co pasatempo de verán, un programa de actividades que vai da mañá ata a noite e que trae interesantes novidades na fin de semana.
Este venres a cita será pola noite e precisarase de bos brazos. Vedra organiza unha escalada nocturna en Ponte Ulla. A cita comezará as nove da noite e o custo será de 18 euros.
Xa o sábado as piraguas serán as protagonistas cunha ruta polo Ulla. Trátase dunha actividade que se repite anualmente e que no 2020, pola crise do Covid19, só conta con 30 prazas. A cita comeza as dez da mañá e o prezo é tamén de 18 euros.
Todas as inscricións as tedes que facer na web do concello de Vedra. Tedes máis información nos teléfonos 669450804 e 981814691.