Skip to content
Lindeiros

Lindeiros

Lindeiros, o xornal da bisbarra de Compostela e da súa capital,

Primary Menu
  • Xeral
  • Axenda
  • Concellos
  • Contacta
  • Axenda
  • Melide

Un Nadal máxico en Melide

Melide ven de presentar a programación  de Nadal cunha completa programación de teatro, monicreques, concertos e maxia para todos os públicos.
melide-nadal-maxico-slide-normal-10-decembro-2021_r

Melide, 10 de decembro do 2021 – Melide ven de presentar a programación  de Nadal cunha completa programación de teatro, monicreques, concertos e maxia para todos os públicos.

Melide celebrará tamén a tradicional Cabalgata de Reis e o Belén Artesán. Completase deste xeito unha programación coa que o Concello quere pór o broche ao ano con moita animación e bo humor.

A Cabalgata de Reis percorrerá as rúas da vila o 5 de xaneiro a partir das 18h. O percorrido anunciarase antes desa data. Pola súa banda, o Belén Artesán xa está instalado e pode visitarse ata o 9 de xaneiro na Casa do Concello, entre as 8.30h e as 20h. As luces de Nadal, que alumearán o municipio foron acendidas o pasado domingo, 5 de decembro.

A programación cultural arrincou tamén o domingo coa representación da obra para todos os públicos ‘Lolo&Mamá’ no Centro Sociocultural Mingos de Pita. O vindeiro sábado, día 11, volve o teatro ao mesmo espazo con ‘Bravas’, de Isabel Risco, ás 20h. Posteriormente, o domingo 19, representarase a obra ‘Crónica dunha heterosexual insatisfeita’ ás 20h no mesmo lugar.

Os espectáculos de monicreques tamén terán o seu espazo na programación natalicia. O domingo 12 representarase ‘O Apalpador e a nena sen medo’ no mesmo Centro sociocultural ás 18h. O 27 de decembro, luns, representarase ‘A toupiña que quería saber…’, tamén ás 18h. O 8 de xaneiro, sábado, será a vez de ‘Un nadal cheo de contos’, ás 18h. Todos eles son espectáculos de monicreques orientados ao público infantil e familiar.

O domingo 26 de decembro o Centro Sociocultural Mingos de Pita acollerá un divertido e novidoso concerto a cargo de ‘Coro Encaixe’. Será ás 20h. O martes 28 ás 17h o mesmo lugar será escenario da Demostración das Escolas Culturais de Teatro, Ballet e Baile Moderno. 

Os primeiros domingos de xaneiro chegarán cargados de maxia a Melide. O día 2 Dani Polo ofrecerá un espectáculo de maxia para todos os públicos ás 20h no Centro Sociocultural Mingos de Pita. O día 9, ás 19h, o mesmo lugar servirá como escenario para ‘No Nadal toca… maxia’, tamén orientado a todos os públicos.

O Cantón de San Roque acollerá entre o 29 de decembro e o 9 de xaneiro a programación de ‘A Casiña Máxica dos Contos’. O día 29, mércores, abrirá a programación ‘O Peirao’ con pases ás 17h, 18h e 19h. O xoves 30 estará Pedro Brandariz ás 17h, 18h e 19h. O domingo 2 de xaneiro será a vez de Caxoto ás 12h e 13h. Ao día seguinte, luns 3, estarán ‘Rilo&Penadique’ ás 17h, 18h, e 19h. O martes 4 de xaneiro actuará Raquel Queizás ás 17h, 18h e 19h. Por último, o domingo 9, ás 12h e 13h, será a vez de ‘Xarope Tulú’. En todos os casos, a entrada será libre e por orde de chegada ata completar aforo.

Post navigation

Previous: Ciclo de cine Carlos Velo
Next: O baile tradicional protagonista este domingo en Vedra

Máis novas

ateneo desafios intelixencia artificical 7 novembro 20226
2 minutes read
  • Xeral

Os desafíos da Intelixencia Artificial nos Luns do Ateneo

mancomunidade ordes saida patrimonio 5 novembro 2026
2 minutes read
  • Xeral

Nova saída para coñecer a Mancomunidade de Ordes

KD&L
3 minutes read
  • Axenda

Kitty, Daisy e Lewis abren o Outono Códax Festival

Teo: Mara Cajaraville foi afeccionada aos cabalos dende que era moi pequena. Fotos familiares
5 minutes read
  • Xeral

San Martiño 2026

noia vai de tapas 5 novembro 2026 (2)
4 minutes read
  • Xeral

Noia vai de tapas

cineurop a40 aniversario 2 novembro 206
8 minutes read
  • Axenda

Cineuropa celebra 40 anos

vedra credencial gastro 22 outubro 2026 1
3 minutes read
  • Xeral

Credencial Gastro este domingo en Vedra

museo do pobo a barca dos pepes 21 setembro 2026 (3)
6 minutes read
  • Xeral

Transfronteiriza no Museo do Pobo Galego

Etiquetas

25N (53) alcaldes (78) asociacións e fundacións (2086) Ciencia (116) Comercio e empresa (665) Coronavirus (278) Crechas (38) Cultura (2831) Curtocircuito (40) Deportes (751) Economía (450) Educación (778) eleccions (50) Emprego (244) Entroido (42) Festas e Feiras (623) Festivais (837) Galego (146) Institucións (1441) lixo (88) Mancomunidade de Ordes (45) Mandingo (92) Medio Ambiente (1626) muller (187) Nadal (200) Obradoiro Cab (79) o máis lido da semana (55) Patrimonio (834) Plataforma Casalonga limpa de residuos (81) Plataforma Veciñal Mina Touro O Pino NON (42) Plenos (740) Politica (951) saúde (534) Servizos (2704) sindicatos (109) Social (567) sucesos (133) Tabernalia (184) Tecnoloxía (46) Transporte e estradas (703) Turismo (223) Universidade (588) urbanismo (265) xuntas de goberno (37) Xustiza (120)
  • Facebook
  • X
  • Instagram
  • BSky
  • Youtube
  • Whatsapp
Copyright © 2026 All rights reserved. | MoreNews by AF themes.

Utilizamos cookies propias e de terceiros para garantir o correcto funcionamento do sitio web, medir o seu uso e mellorar os nosos servizos. Podes aceptar todas as cookies, rexeitar as non necesarias ou configurar as túas preferencias. Política de cookies

Configure cookies

Necesarias para que o sitio web funcione correctamente. Non se poden desactivar desde este panel.

Axudan a medir o uso do sitio web e a mellorar os seus contidos.

Permiten publicidade, medición de campañas ou personalización de anuncios.

Gardan preferencias ou permiten contido externo non necesario.