Bisbarra, 26 de xaneiro do 2018 – O Concurso Balbino de Relatos chega á súa terceira edición ampliando a temática dos traballos que poden concorrer a el ás do mar e a emigración, ademais da do rural recollida nas anteriores convocatorias.
Balbino é unha iniciativa de Técnicas & Gramaxe co apoio da Secretaría Xeral de Política Lingüística, da Fundación Xosé Neira Vilas, dos concellos de Vila de Cruces e Boqueixón e mais da Deputación de Pontevedra, e ten como obxectivo promover a literatura escrita en lingua galega e apoiar tanto as escritoras e escritores noveis coma os xa consagrados.
Manuel Núñez de Técnicas & Gramaxe explicaba a ampliación na temática admitida
Manuel Reimondez, presidente da Fundación Neira Vilas, lembrou o especial de esta edición xa que a Fundación cumpre 25 anos
O Deputado provincial Xosé Leal destacou a importancia e a necesidade de apoiar este tipo de premios
Rematou o acto o Secretario Xeral de Política Lingüística Valentín García, bo coñecedor dos gustos de Neira Vilas quixo destacar o nivel dos participantes e a coherencia na ampliación da temática
As autoras e autores que así o desexen, poderán presentar a este 3º Concurso Balbino de Relatos os seus textos orixinais, propios e inéditos (relatos ou serie de relatos) inspirados nas mencionadas temáticas ata o vindeiro 30 de xuño para concorreren a un premio único de 1500 euros e á publicación da obra por Edicións Fervenza.
Na súa primeira edición fíxose co premio o coruñés Xián Lois Alcayde Dans, pola obra Camiños na sombra, e na segunda o ourensán Ricardo Cid, pola obra De que falarán as árbores.