Bisbarra, 9 de febreiro do 2024 – O Tribunal Superior de Xustiza de Galicia, TSXG, ven de anular o plan de restauración da canteira da Casalonga, en Teo, aprobado no seu día pola Xunta de Galicia.
A decisión do tribunal responde á impugacion presentada pola Plataforma Casalonga Limpa de Residuos. A sentencia incide ademais no feito de que moitas das accións tomadas na canteira, como foron as voladuras, non se podían realizar sen que o plan de restauración estivese aprobado.
A empresa pode presentar un recurso de casación o apelar ao Tribunal Supremo aínda que as posibilidades de prosperar en ambos os dous casos son moi poucas.
No caso de que Toysal quixera reabrir a canteira o afrontar outro plan de restauración tería que solicitar de novo unha Declaración de Impacto Ambiental. Esta declaración sería moito máis difícil que saíra adiante xa que tería que aterse aos criterios da lei actual. O plan aprobado pola Xunta e anulado agora polo TSXG fora feito cos criterios de hai vinte anos, unha das cuestións polas que se produce a anulación.
Jaime García, presidente da Plataforma Casalonga Limpa de Residuos, explícanos que a sentencia é moi clara e que a Plataforma tiña razón en todo momento de que todo o feito por Toysal estaba mal
A Plataforma Considera que aínda que existen esas posibilidade de recorrer a posición de Toysal é con esta sentencia moi mala
Preguntamos tamén pola relación co novo equipo de goberno despois dos desencontros no final do anterior mandato. Jaime García recoñece que a relación é fluída, máis que antes, e que en todo momento estiveron informados das conversacións que se tiñan.
Desde a Plataforma esperan que a Dirección Xeral de Minas decida que facer unha vez a sentencia sexa definitiva. O criterio deberá ser anular a concesión pero é algo que está aínda por ver.
