Bisbarra, 26 de abril do 2024 – Máis de cen millóns de euros será a cifra de investimento que a Deputación da Coruña superará nos concellos da provincia gracias ao POS+ 2024.
As novidades do POS+ máis foron presentadas polo presidente de organismo provincial, Valentín González Formoso, o vicepresidente, Xosé Regueira Varela, e a deputada de Plans Provinciais e Asistencia a Municipios, Cristina García Rey.
Formoso destacou a liberdade que supón para os concellos decidir o destino dos investimentos e o cualificou de cambio revolucionario “Xa non hai plans de piscinas ou de campos de fútbol de herba artificial que obrigaban aos concellos a facer estas infraestruturas, as necesitaran ou non, ou a perder os fondos. Hoxe os concellos da provincia poden decidir a que destinan os seus recursos da Deputación”.
O POS+ da Deputación chegará a un novo récord ao alcanzar os 100,5 millóns de investimento. Valentín González engadiu que “Desde a súa creación en 2017, o Plan Único supuxo máis de 718 millóns de investimento nos concellos, máis de 4.000 obras e miles de servizos básicos que melloran a calidade de vida da cidadanía nos 93 concellos da provincia”.
Necesidade de que a Xunta mellore o financiamento dos municipios
O presidente provincial contrapuxo este modelo co da Xunta de Galicia lembrando que “para todos os concellos de Galicia a Xunta destina 113 millóns de euros a través do Fondo de Cooperación Local, que leva conxelado unha década, mentres que a Deputación inviste máis de 100 millóns de euros só nos concellos da provincia da Coruña”.
O vicepresidente, Xosé Regueira, secundou que se trata dun “plan revolucionario” e que permite o financiamento da “maioría da obra pública dos concellos”. O financiamento local, apuntou, “é a gran materia pendente do estado e, conscientes diso, dende a Deputación queremos apoiar aos nosos 93 concellos a través deste Plan Único que, ademais, asumen cada vez máis competencias”.
Pola súa parte, a deputada de plans provinciais e asistencia a municipios, Cristina García Rey, sinalou que “a mellor parte vén cando estes cadros cheos de cifras se converten en realidades, en melloras na accesibilidade de rúas e espazos públicos, melloras de centros educativos e deportivos municipais, creación de xardíns e zonas verdes, obras de pavimentación, saneamento e abastecemento de auga en núcleos rurais ou novos sistemas de alumeado público” grazas a un plan que, ademais, “lles permite aos concellos soster servizos públicos básicos coma o alumeado público, a recollida de lixo ou a limpeza viaria”.
