Teo, 20 de abril do 2022 – A Plataforma Casalonga Limpa de Residuos convocou unha reunión cos voceiros dos partidos políticos con representación municipal á que non asistiu o alcalde.
A Plataforma da Casalonga suegue buscando a constitución dunha comisión negociadora que busque recuperar os terreos da canteira pero polo momento non o conseguiu. O colectivo veciñal si recibiu de novo todo o apoio dos voceiros que asistiron.
A reunión fora convocada pola plataforma a semana anterior para o luns de esta semana. O presidente, Jaime García, explica que Son de Teo non avisou de que non asistiría. Destaca que na reunión reforzouse o compromiso do resto dos grupos de buscar unha mesa de negociación con todas as partes implicadas
O concello xa explicara nun comunicado que calquera negociación pasa pola restauración dos terreos e pola anulación da concesión mineira. Jaime García cre que iso non impide sentarse a falar e coñecer de primeira man cales son as intencións ou as demandas da empresa
Si por un lado é certo que a falta de asistencia de Son de Teo pode entenderse como unha ruptura da unidade `por outro todo segue igual. A Plataforma da Casalonga quere avances aínda que só sexa en conversas e desde o concello búscase unha seguridade xurídica imprescindible para que as reunións se concreten en feitos.
