Bisbarra, 11 de abril do 2024 – Baixo o nome de “Historia e historias compartidas dos camiños de Santiago ao seu paso por Teo” o concello de Teo organiza un evento que poña en valor as rutas a Compostela.
A cita, este sábado 13 de abril, estará presidido pola alcaldesa, Lucía Calvo de la Uz, e contará coa participación do impulsor do Xacobeo, Víctor Manuel Vázquez Portomeñe.
O acto, que terá lugar ás 17.30 horas na capela de Francos (Calo) e pretende poñer en valor os camiños que pasan por Teo e convidar ós asistentes a reflexionar sobre cal é o poder transformador que ten o Camiño e a súa espiritualidade.
O concello de Teo é un Concello Xacobeo, polo que discorren diversas variantes do camiño a Santiago, destacando o Camiño da Costa, camiño interior, Traslatio ou Mar de Arousa e Río Ulla, a Ruta do Padre Sarmiento e tamén a Pedronía.
No faladoiro, o cal está enmarcado na campaña turística REDEscubre Teo 2024, participarán tamén Xosé Santos Solla, catedrático de Xeografía na Facultade de Xeografía e Historia da USC; Ana Isabel Filgueiras Rei, arqueóloga e antropóloga sobre
Patrimonio Inmaterial; membros da Asociación Codeseda Viva, que ilustrarán sobre o Camiño da Geira e dos Arrieiros; e o franciscano Frei Paco Miramontes, que na actualidade acolle os peregrinos na porta de entrada a Galicia do Camiño Francés no Cebreiro.
Tamén haberá espazo para os membros da comunidade local, que abordarán o patrimonio que hai nesta última etapa antes de chegar a Santiago, achegando tamén as súas experiencias como peregrinos.
Para pechar este encontro, o cantautor Manoele De Felisa interpretará “cantando os camiños a Santiago”, do libro Cancioneiro do Camiño, editado para o Xacobeo 2021.
