Bisbarra, 24 de abril do 2024 – O Concello de Teo traballa na mellora das instalacións deportivas municipais ao aire libre procedeu á colocación de canastras antivandálicas na pista exterior dos Tilos e ao seu pintado.
No pavillón, o concello de Teo, ven de colocar taboleiros de metacrilato nas canastras de minibasket. Do mesmo xeito, mudouse o termo de auga quente, mellorando así o servizo e aminorando os custos ao non haber fugas de auga.
A alcaldesa de Teo, Lucía Calvo, explica que “Ter as instalacións deportivas neste estado só conleva custos adicionais para as arcas do Concello e só conleva problemas para os seus usuarios”.
Na zona de Augas Mansas, cambiouse a rede da pista deportiva ao aire libre dado o mal estado que presentaba a vella, que podía ocasionar algún risco á poboación. Tamén se procedeu á limpeza da pista e colocáronse novas redes ás porterías. Así mesmo, procedeuse a unha limpeza profunda do parque infantil de Augas Mansas.
En Oza, nas pistas que están enriba dos falsos túneles da AG-59, colocáronse canastras antivandálicas, limpouse en profundidade a pista de baloncesto e fixéronselle arranxos á rede que protexe o espazo. Por último, dado o mal estado do mobiliario nesa zona, arranxáronse os bancos e pintouse a mesa, para invitar á xente a facer uso do lugar.
