Bisbarra, 26 de xullo do 2022 – O Grupo Socialista no concello de Teo ven de presentar alegacións contra a intención da Pirotecnia Calo de abrir de novo o seu taller no concello.
As alegacións son asinadas pola voceira socialista Uxía Lemus. A primeira reclama a inhabilitación especial dun dos socios da empresa xa que foi condenado, en outubro do 2009, como autor dun delito de risco causado por substancias explosivas. A sentenza, que o condenou a 21 meses de prisión e unha inhabilitación de nove anos, recolle “moitas similitudes entre o que existía no momento da explosión e o que se solicita agora”. A sentenza recolle ademais “numerosos incumprimentos do Regulamento de explosivos”.
A segunda alegación ten que ver coa solicitude presentada ante a subdelegación e que presuntamente incorre en falsidade documental. En dita solicitude explícase que se usaran as instalacións do antigo taller. Na alegación os socialistas lembran que se denegou a licenza municipal para reconstruír o taller polo que indicar que se usaran esas instalacións non se corresponde coa realidade do espazo.
En esta mesma alegación preocupa que se indique que as obras serán menores e non de rehabilitación completa xa que como asina Uxía Lemus “entendemos que pretende que o procedemento para a obtención do título habilitante de tipo municipal sexa a comunicación previa, cando procede un proxecto completo ben para a licenza de legalización das
instalacións ben para a licenza de reconstrución das mesmas”.
A terceira alegación ten que ver co informe de impacto ambiental. A documentación presentada pola empresa non o considera necesario pola altura do lugar de almacenamento. Os socialistas cren por outra banda que un proxecto de transformación de sustancias en explosivos aparece como suposto no que é obrigatorio un informe ordinario de evaluación medio ambiental.
Finalmente os socialistas reclaman dos corpos de seguridade do estado un informe sobre as actividades do dono da pirotecnia, Alfonso Calo Rama. Indican que, segundo se desprende de distintas novas xornalísticas, incumpriu a sentenza que o inhabilitaba para exercer como pirotécnico durante nove anos. Incumprimentos que poderían tamén influír a hora de outorgar a nova licenza a empresa da que forma parte.
