Bisbarra, 26 de outubro do 2023 – A necesidade dun centro de día en Teo foi o centro das discusións no pleno celebrado na tarde de onte.
Mentres o Psoe explicaba que apoiarían calquera fórmula que o fixera realidade; PP, PCXT e BNG liábanse en discusións e acusacións cruzadas durante o debate de dúas mocións sobre o centro de día.
A primeira moción ía na orde do día e foi presentada polo BNG. Pedía que “O concello de Teo, a través do seu goberno, procederá a realizar as xestións oportunas e necesarias para que Teo conte cun centro de Día con dotación e persoal a cargo da Xunta de Galicia”.
María López do PCXT consideraba que non tiña sentido a petición xa que había unha convocatoria aberta pendente de resolución e que pedir iso de forma directa daba a entender que a Xunta funcionaba dun xeito mafioso, que non se facían así as cousas.
A alcaldesa, a popular Lucía Calvo, respondía dicindo que o custo do centro de día sería menor que as municipalizacións e que o BNG presentaba a moción sabendo que non a podía aprobar xa que dicía literalmente “o executivo liderado por Núñez Feijoó tomou a decisión de que Teo non debería contar con esta infraestrutura” e que aquilo non era verdade.
Na segunda quenda o voceiro do BNG, Eloi Devesa, explicou que o motivo da moción “é que a Xunta asuma as competencias que lle corresponden” e engadiu que non entendía porque en vez de negociar se unha frase crítica coa Xunta tiña que ir ou non na moción se decidira desvirtuala.
A moción foi rexeitada cos votos de BNG, Psoe e PCXT a favor e do PP en contra.
Moción de urxencia do PP sobre o centro do día
Foi en ese momento cando o PP presentou, por urxencia, a súa propia moción sobre o centro de día. Aprobada a urxencia comezou a quenda de intervencións e na primeira María López do PCXT dixo que “o concello non pode asumir a xestión dun centro de día ata que teña máis de 20.000 habitantes” engadindo que xa postos prefería a moción do BNG.
Eloi Devesa do BNG dixo que tampouco entendía o texto da moción xa que non podía ser “un centro de día municipal ou é un fallo de redacción ou… non pode ser municipal, sinto moito”.
Na súa quenda a alcaldesa popular Lucía Calvo dixo que “o que se lle trasladou á Xunta e a necesidade urxente do centro de día”. Díxolle a María López do PCXT que estivera tranquila que “como administración seria que agora somos todo farase ben e negro sobre branco”. Ao BNG respostoulle sobre a imposibilidade de que sexa municipal “cando cheguemos a esa ponte xa a cruzaremos pero o que vou a tentar conseguir e que Teo conte con ese servizo canto antes”.
Foi na segunda quenda cando máis claras quedaron as posturas. Primeiro a de PCXT, a voceira María López explicou que o centro de día tense que facer segundo as convocatorias da Xunta e que non se pode dicir que xa se cruzará a ponte da xestión
O BNG insistiu tamén en que non estaba de acordo en que tiña que ser municipal que si quitaran esa frase a asumirían
A maior discusión chegou coa última intervención da alcaldesa. Lucía Calvo dou a entender que para o PCXT era máis importante o lixo que as persoas maiores, algo contestado inmediatamente por María López que interrompeu á alcaldesa
Finalmente a moción foi aprobada coso votos favorables de Psoe e PP e as abstencións de PCXT e BNG.
Aquí podedes ver o pleno completo
