Compostela, 12 de xuño do 2017 – O Sindicato Unificado de Policía, SUP, confirmou que desde as 5 da tarde policías de paisano estaban traballando en Compostela e explican que é unha práctica habitual.
Despois da manifestación déronse críticas nas redes sociais a actuación dos policías non uniformados, especialmente por impedir presuntamente o traballo dos xornalistas e impedir en algún momento que se tomaran imaxes.
O SUP en un comunicado emitido na tarde de onte informa de que foron 200 os axentes chegados desde Vigo e Coruña e pertencentes as UIP, Unidades de Intervención Policial. O SUP aproveita para insistir na necesidade da presenza permanente na cidade dunha unidade da UIP, unha demanda que fan desde hai bastante tempo.
O resultado da manifestación foi de 16 persoas trasladadas a comisaria con fin de ser identificadas, que foron postos en liberdade de inmediato, e dous detidos por resistencia a autoridade que foron postos en liberdade con cargos. A policía informa tamén de que incautou pancartas, paus e escudos.
A manifestación que partiu da Alameda desviouse cara a zona nova ao non poder acceder ao casco histórico. Un pequeno grupo accedeu ao edificio do antigo colexio Peleteiro e foi desaloxado pola policía con botes de fume despois de que algúns abriran o portalón para saír.
Distintas fontes destacaron a actitude pacífica dos manifestantes do sábado que non confrontaron coa policía e se limitaron a sentarse no chan cando non puideron avanzar mais.