Bisbarra, 13 de maio do 2024 – O pleno ordinario de maio en Dodro deixou abundantes discusións e a agrupación política Xente de Dodro votando en contra da maioría dos puntos da orde do día.
Xente de Dodro, o grupo do ex alcalde Valentín Alfonsín Somoza, foi moi criticado pola actitude ao longo de todo o pleno. Todas as súas votacións foron en contra excepto dúas nas que votou a favor da instalación da celulosa de Altri e abstívose no demanda de creación dun protocolo para previr calquera tipo de acoso no concello.
Altri
A intención da portuguesa Altri de instalar unha celulosa en Palas de Rei foi un dos asuntos destacados xa que centrou dúas da mocións en sentidos opostos. A de Unidade Veciñal de Dodro pedía que as distintas Consellerías implicadas estimen as alegacións presentadas polos distintos colectivos, entre eles o propio concello de Dodro. Foi aprobada cos 6 votos a favor de PSdeG, UVD e BNG, votando en contra os 5 concelleiros de Xente de Dodro e Partido Popular.
A segunda moción foi presentada polo PP e pedía nun primeiro punto o apoio para a planta de Altri e, nun segundo acordo, instaba á Xunta de Galicia a dar prioridade ao proxecto. A moción foi rexeitada cos 6 votos en contra de PSdeG, UVD e BNG e 5 a favor de XD e PP.
SAF e Casa do Regadío
O PSdeG presentou unha moción na que reclama da Xunta de Galicia o financiamento completo do Servizo de Axuda no Fogar por ser, da súa competencia. Foi aprobada cos 6 votos a favor de PSdeG, UVD e BNG, e 5 en contra de XD e PP.
O BNG presentou unha moción para que o concello busque nas administracións os recursos necesarios para rehabilitar a Casa do Regadío co fin de que poida albergar actividades. Desde o equipo de goberno lembrouse que se está á espera da resolución dunha axuda solicitada no anterior mandato con este fin. A moción foi aprobada cos votos a favor de toda a corporación excepto os tres concelleiros de Xente de Dodro que votaron en contra.
Outros temas
O pleno aprobou tamén, coas únicas abstencións de Xente de Dodro, unha moción do Partido Popular solicitando a elaboración dun protocolo de actuación para previr e responder á situacións de acoso de calquera tipo que se puideran dar no concello. Por outra banda saíu adiante unha moción de Unidade Veciñal de Dodro para solicitar á Deputación a construción de unha senda peonil da DP-3302 desde a Casa do Concello ata a Igrexa de Laíño. O Grupo de goberno do PSdeG-PSOE recordou en este punto que leva dende o ano 2019, loitando por este proxecto, e con conversas coa Deputación para conseguilo.
A sesión aprobou ademais un recoñecemento extraxudicial de crédito e ratificou dúas resolucións da alcaldía sobra a aprobación de dous convenios de colaboración, en materia de emprego, con concellos de Rois e Padrón. A aprobación de estes convenios en materia de emprego recibiron , do mesmo xeito que todo os puntos do pleno, os votos en contra da agrupación política Xente de Dodro o que motivou as críticas do alcalde ante “a falta de colaboración en temas de tanta importancia para a veciñanza”.
