Bisbarra, 13 de maio do 2024 – O Partido Popular de Ames ve de solicitar , por medio dun escrito, que se convoque a Xunta Local de Seguridade ante o aumento do número de delitos.
Os Populares lembran que a Xunta Local de Seguridade de Ames teríase que convocar cada seis meses pero desde xuño do 2022 non se reuniu. Engaden que, segundo os datos do Ministerio do Interior, no 2023 bateuse un récord no concello ao contabilizarse un total de 1.064 delitos.
O Partido Popular de Ames xustifica a solicitude nos datos do 2023 dados polo Ministerio do Interior que indican que o ano pasado a criminalidade convencional seguiu a súa liña con 675 intervencións ás que hai que sumar 359 delitos informáticos.
A infracción penal máis grave de cantas se produciron no termo municipal de Ames no ano pasado foi o que figura na estatística do Ministerio como homicidio doloso e asasinato en grado de tentativa.
Os furtos foron os delitos máis habituais, con 127 (95 no ano anterior), e os roubos con forza en domicilios establecementos o outras instalacións foron 29 (19 en vivendas). Chama a atención nesta estatística do Ministerio que se contabilizan 8 agresións sexuais, a metade delas calificadas con penetración.
Tamén figuran entre estes datos os delitos graves e menos graves de lesións e riñas multitudinaria, sumando 8 en todo o 2023 e 11 roubos con violencia e intimidación, case un ó mes. E ademáis houbo catro sustraccións de vehículos e dous delitos de tráfico de drogas.
Os Populares consideran que non se lle pode quitar importancia a este crecemento da delincuencia “a perspectiva de quen foi vícima e outra ben distinta. E a función dos concelleiros é a de poñer todos os medios posibles para minimizar ó máximo o número de delitos no municipio. E para iso temos unha ferramenta que se chama Xunta Local de Seguridade e que por non se sabe que razón non se está a utilizar despois de dos anos sen ser convocada”.
