Bisbarra, 7 de maio do 2024 – Silleda abre unha nova edición do programa Anduriña, unha iniciativa de alfabetización e integración cultural para a poboación migrante.
A apertura de Anduriña asistiu a alcaldesa de Silleda, Paula Fernández, e a concelleira de Benestar Social, Ángela Troitiño, que deron a benvida ás persoas participantes
Dende onte e ata finais de xuño impartiranse aos inmigrantes cursos de galego e español, de xeito gratuíto, na Casa da Xuventude. As sesións de lingua española son os luns (de 9:00 a 11:00) e martes (de 11:15 a 13:15). As clases de lingua galega iniciáronse tamén onte e son os luns (de 11:15 a 13:15) e martes (de 9:00 a 11:00).
En castelán hai case 30 persoas inscritas e en galego un grupo de 10 persoas. Con este programa dende o Concello de Silleda búscase facilitar a integración das persoas inmigrantes.
