Compostela, 14 de marzo do 2017 – O Santiago Rugby Club de Compostela aspira a gañar a 2ª división da liga Galega de Rugby agora que conseguiu meterse nos play off polo ascenso.
Os equipos que pelexarán polo cobizado campionato serán o CRAT de Coruña, o Fendetestas das Pontes, o Zalaeta e o Santiago Rugby Club.
O presidente do Club declaraba: “Esta loita polo ascenso habemos de tomárnola como un agasallo. O obxectivo que nos marcabamos para esta tempada era o de entrar nos play offs e ir consolidando ó equipo”.
Así mesmo o adestrador sinalaba ao termo do último partido: “Moitos xogadores fixeron un gran esforzo para chegar ata aquí. Cun persoal tan curto sacrificáronse, xogaron lesionados e partíronse a cara polo resto dos seus compañeiros. Este sobre esforzo permitiunos clasificarnos pero tamén nos custou algunhas baixas importantes que trataremos de non botar en falta nos partidos que nos restan”.
O 25 de marzo; o rival para bater será o Fendetestas e o maior hándicap o das baixas por lesión.
