Bisbarra, 20 de xullo do 2022 – Despois da estrea en Madrid, o director Rubén Riós presenta en Vedra o seu documental “Outros Camiños” o vindeiro venres 29 de xullo.
A cita con Rubén Riós será na Capela do Santiaguiño en San Pedro de Vilanova a partir das dez da noite. A proxección forma parte dunha xira por distintos pobos de Galicia dentro da iniciativa Cine na Rúa.
“Outros Camiños” ofrece unha visión distinta do Camiño de Santiago a través da visión de persoas con parálise cerebral. Os protagonistas guiarán ao espectador a unha realidade máis inclusiva e máis accesible a través do deporte.
A peza contou coa participación da Asociación Discamino, liderada por Javier Pitillas e proposta pola Xunta, no ano anterior, coma candidatos ao Premio Princesa de Asturias de la Concordia.
Javier Pitillas é o principal artífice de que persoas con algún tipo de discapacidade poidan realizar o Camiño de Santiago. DisCamino, na súa labor de inclusión, utiliza todas as ferramentas tecnolóxicas e humanas para facer de este reto algo apaixonante.
“Outros Camiños” utiliza como pano de fondo o Camiño de Santiago. Unha ruta con séculos de historia que percorren millóns de peregrinos de todo o mundo.