Rosa Montero resenta a súa nova novela no Ateneo

Compostela, 27 de novembro do 2018 – Hoxe martes o Ateneo de Santiago, en colaboración coa editorial Seix Barral, presentará a última novela de Rosa Montero, Los tiempos del odio.

A partir das 19.30 horas na sede de Afundación, sita na Rúa do Vilar, 19, a escritora e xornalista Rosa Mo nteroconversará co Decano da Facultade de Ciencias da Comunicación da Universidade de Santiago Xosé Ramón Pousa, así como co público asistente, sobre o paso do tempo, a necesidade dos outros para que a vida mereza a pena, a paixón como rebelión fronte á morte, os excesos do poder e o horror dos dogmas, temas recorrentes na súa obra.

Los tiempos del odio é unha novela intensa e de acción trepidante, onde a autora constrúe un certeiro e fascinante retrato metafórico dos tempos en que vivimos.

Rosa Montero estudou xornalismo e psicoloxía. É Doutora Honoris Causa pola Universidade de Porto Rico, Premio Internacional Columnistas do Mundo 2014 e Premio Nacional das Letras 2017. Varias das súas obras foron galardoadas con Premios como o Primavera de Novela, o Qué Leer, o Grinzane Cavour, o “Roman Primeur” de Francia ou o Premio da Crítica de Madrid. Ademais de novelas, tamén ten publicados un libro de relatos, dous ensaios biográficos, contos para nenos e recompilacións de entrevistas e artigos.