Ames, 17 de xullo do 2018 – O club de piragüismo Ribeiras do Tambre seguen sumando medallas e a pasada fin de semana facíase con dous ouros no campionato de España de sprint olímpico que se disputou no embalse pontevedrés de Verducido.
Gabriel Martínez gañou a medalla de ouro en K-1 200 metros e Ángel González e o propio Gabriel Martínez, quedaron campións en K-2 200 metros. Gabriel Martínez acudirá a finais de xullo ao Mundial júnior que se disputará en Plovdiv (Bulgaria). Gabriel xa gañou no pasado mes de maio a medalla de ouro, tamén en sprint olímpico, na II Copa de España que se disputou en Trasona (Asturias).
Por outra banda, Gabriel Martínez obtivo o cuarto posto en K-1 500 metros, na categoría xuvenil, sendo o primeiro padexeiro sub 17 desta proba. Na proba de K-1 200 metros, Ángel González, conseguiu o quinto posto na final B, quedando na décimo cuarta posición nesta modalidade do campionato de España.