Bisbarra, 8 de maio do 2024 – O Campo da Festa da Bugallido, en Ames, acollerá o vindeiro sábado a II Feira do Pan e do Cereal, coa que se quere poñer en valor un produto esencial na gastronomía, na tradición e na cultura galegas.
A Feira do Pan e do Cereal de Bugallido ten como obxectivo animar ao rural a recuperar o cultivo das terras agrarias con cereais autóctonos como o trigo, centeo ou a cebada. Este produtos teñen unha posibilidade no mercado coa recuperación e valorización do pan tradional.
O evento trata de ser un referente en este sector e ven de ser presentado no no Salón de Plenos de Ames. Na presentación da II Feira do Pan e do Cereal participou o alcalde de Ames, Blas García; o concelleiro de Xestión do Medio Rural, Javier Antelo; e a técnica de Medio Ambiente e coordinadora da Aula da Natureza, Patricia Reboreda.
A feira de Bugallido contará con exposicións, charlas, obradoiros e degustacións co obxectivo de
difundir a longa tradición panadeira. Os visitantes poderán comprobar a gran variedade de pans vencellados á diversidade das paisaxes e dos ingredientes, un produto recoñecido como Indicación Xeográfica Protexida (IGP).
Programación
A II Feira do Pan e do Cereal de Bugallido inclúe un amplo programa que se inaugura ás 11:00 horas coa apertura da feira para, ás 11:30 horas, ter unha mesa redonda denominada “Pan e Alimentación” no Centro Cultural A Maía, na que participarán varios panadeiros.
As actividades deste evento, que forma parte da programación da Aula da Natureza, continúan ás 13:00 horas cun obradoiro de elaboración de empanadas e empanadillas a cargo da panadería Chus Sande Obradoiro Artesanal. Posteriormente, ás 13:30 horas, dará comezo a sesión vermú cun grupo itinerante no Campo Central de Bugallido.
Ás 16:30 horas comezarán as actividades da tarde cunha GymPANa para público infantil, que partirá da praza central de Bugallido. Nela a rapazada terá que reunir, a través de distintas probas, os ingredientes necesarios para elaborar pan. A esa mesma hora o Forno da Barcia e a Panadería Xallas impartirán un obradoiro de masas doces e salgadas.
Seguidamente, ás 18:00 horas, El Rincón Siciliano ofrecerá un obradoiro para aprender a elaborar pastas e masas de pizza artesanais. O programa desta segunda edición da Feira do Pan e do Cereal pecharase coa actuación de Alana Trío no miradoiro do campo de Bugallido, ás 19:00 horas. As charlas e os obradoiros son de balde e con entrada libre ata completar aforo.
Paralelamente a esta programación, durante toda a xornada haberá unha exposición de cereal no Local Social da Agraria a cargo de Villa Regina, así como expositores de degustación e venta de produtos de diversos establecementos do concello.
Os establecementos participantes son Chus Sande Obradoiro Artesanal, Panadería Bastavales, Pan de Leis, Forno da Barcia, Pastelería e Bombonería Miguel Ángel, Pan da Moa, Muíño de Cuíña e Panadería La Salud.
