Actualización 10:00 h. O BNG de Padrón informa que o concello adoptou un acordo plenario, aprobando por maioría unha moción do BNG, o 24 de setembro do 2015 cos seguintes puntos
celebración de festexos taurinos.
2.- Que o Concello de Padrón non participe, sexa de xeito
indirecto ou directo na realización, impulso ou promoción
de festexos taurinos.
3.- Notificar este acordo á Xunta de Galiza instando a
esta institución a traballar a prol da fin desta actividade cruenta cos animais.
O grupo nacionalista presentou un escrito no concello pedindo que se cumpran os acordos plenarios.
Padrón, 11 de abril do 2022 – A plataforma Galicia, mellor sen touradas reuniu máis de 74,000 sinaturas en contra dunha capea prevista para o día 17 nas festas de Pascua de Padrón.
A plataforma e a asociación animalista Libera presentaron ademais una denuncia ante o Valedor do Pobo, contra o concello de Padrón, porque o festexo incumpre a capea incumpre a Lei de benestar animal 1/93.
Desde Galicia Mellor sen Touradas explícase que o concello incumpre ata media ducia de artigos da mencionada Lei. A intención coa denuncia é conseguir que o concello de Padrón sexa o primeiro sancionado en Galicia por, por exemplo, non dispoñer do servizo de lacería e acollida de animais abandonados.
Insubmisión fiscal contra a capea
Mellor sen touradas empraza tamén á veciñanza a presentar queixas por rexistro cando teñan que pagar os tributos. Explican que o cidadán pode deixar constancia da súa oposición a que cos seus cartos se financien actividades contrarias a súa conciencia, como pode ser o caso da tauromaquia.
Engaden que non pode ser que non se destinen cartos a cumprir coa Lei de benestar animal e, ao mesmo tempo, se financien actividades como a capea que a incumpre.
