Padrón: actos da festa de San Xoán do Raio, con concertos da Coral Val do Sar e Jhonny Vergada, e xantar da Terceira Idade
Bisbarra, 23 de abril do 2024 – O concello de Padrón prepárase xa para a festividade do San Xoán de Raio, unha celebración que se remonta a 1613.
Será o luns 6 de maio cando Padrón abrirá os actos oficiais as 11.45 coa recepción de autoridades na casa do concello. Desde alí ata a igrexa de Santiago terá lugar a procesión para, xa as doce, concelebrara a misa solemne.
No acto relixioso participará a Coral Val do Sar. Tras el os actos pasarán á praza de Macías onde actuará a Tuna de Veteranos da Coruña. A festividade de San Xoán do Raio inclúe, como é tradición tamén, o xantar de confraternidade para a terceira idade no restaurante do Hotel Scala.
Para poder asistir cómpre retirar a invitación antes do 3 de maio no Centro Social. Os prezos para os empadroados en Padrón é de 10 euros que se ingresarán na conta que se facilitará no momento da inscrición. No caso das persoas non empadroadas o xantar terá un custo de 39 euros e deberán retirar as invitación no hotel Scala.
Para poder asistir á edición número 32 desta tradicional comida de confraternidade para os maiores de 60 anos haberá un servizo de autobuses que pasará polas paradas de transporte escolar a partir das 11.00 horas. O regreso será ás 19.00 horas.
A actuación da orquestra Os Satélites no campo do Souto servirá como colofón á festa a partir das 20.00 horas.
