O Pino, 10 de xullo do 2017 – O compostelán Pedro Nimo, cun tempo de 1:12:09, e a mazaricana Rocío Alvite (1:24:47) gañaron a primeira edición da media maratón O Gran Camiño que se disputou entre Arzúa e O Pino.
Pedro Nimo
Algo máis competida estivo a proba na categoría feminina, aínda que a mazaricana Rocío Alvite Ferreiro non deu opción a ningunha das súas rivais. Desde os primeiros metros xa encabezou a carreira e, cun promedio de 4:01 minutos por quilómetro, sacoulle na meta case medio minuto a segunda clasificada, a rioxana afincada en Santiago Esther Rodríguez Díez (1:25:14). A terceira praza desta categoría foi para a atleta do Rosal Ariana González Verde, cun tempo de 1:27:34
Á chegada a liña de meta, ubicada xunto a piscina municipal do Pino, en Lameiro-Arca, todos os corredores coindían en destacar a excelencia do percorrido e a sorte de poder compartir O Gran Camiño cos centos de peregrinos que se dirixían a Santiago pola Ruta Xacobea.
Rocío Alvite
Moitos dos peregrinos decidían descansar uns minutos e animar e aplaudir aos atletas a medida que estes iban avanzando no percorrido da proba, que con algo máis de 21 quilómetros uniu por primeira vez a alameda de Arzúa e a localidade de Arca (O Pino). Os alcaldes dos concellos organizadores amosaban a súa satisfacción polo feito de que non se rexistrasen incidentes e que todo transcorrese con normalidade.
Na entrega de trofeos, o presidente da Federación Galega de Atletismo, Isidoro Hornillos, resaltaba o bo momento polo que atravesa o atletismo galego, que recentemente obtivo a segunda praza no Campionato de España por autonomías, por detrás de Cataluña.
Para facilitar a convivencia entre atletas e peregrinos, a organización contou coa colaboración da Asociación Galega de Ciclistas. Unha nutrida representación acompañou aos corredores durante toda a proba, advertindo aos camiñantes do paso dos corredores nos diferentes puntos.
Á chegada a meta, aqueles atletas que o precisaban recibían unha masaxe que ofrecía unha das colaboradores da organización, a clínica de fisioterapia Lidia Ramos. A organización contou tamén co patrocinio da Secretaría Xeral para o Deporte da Xunta, El Corte Inglés, Abanca, Gonzacar.
