Bisbarra, 1 de abril do 2024 – O pleno ordinario do concello do Pino deixou clara, unha vez máis, a preocupación polo mal estado dunha casa abandona en pleno centro urbano de Arca.
O Psoe do Pino sacou de novo o tema de esta casa situada en pleno centro de Pedrouzos, por onde pasa o camiño de Santiago. Os socialistas pediron unha vez máis que se tomen medidas polo risco evidente que supón para todos os peregrinos e veciños que pasan pola zona.
A vivenda atópase en ruínas e este inverno, hai pouco máis dun mes, acabou por caerlle o tellado. Os propietarios do inmoble emigraron no seu día e presuntamente están en paradoiro descoñecido. A normativa actual obrigaría ao concello a asumir de forma subsidiaria os arranxos precisos para evitar os riscos que supón. Ademais a casa filtra auga cara ao edificio anexo que reclama tamén unha solución.
Os socialistas do Pino levaron este tema en distintas ocasións ao pleno do concello sen éxito. En esta ocasión o alcalde, Manuel Taboada, volveu a comprometerse a poñerlle solución aínda que desde o PSdeG móstranse cautos xa que “non é a primeira vez que adquire dito compromiso sen levalo a cabo”.
O Psoe tamén puxo o foco sobre a liquidación do orzamento municipal do ano 2023 que deixa un remanente positivo de tesourería de 774.302,16 euros. Os socialistas engaden ao fío de estes datos que “non entendemos que con máis de setecentos mil euros na caixa non se solucione un risco para a veciñanza e os peregrinos como o que supón esta casa en ruinas”
Prorroga do SAF e liquidación orzamentaria
O Pleno do Pino prorrogou en esta sesión o contrato do Servizo de Axuda no Fogar para outra anualidade. O SAF mantense nos mesmos termos no que foi adxudicado: 486.812 euros anuais para 21.898 horas de atención.
A Xunta concedeu 1.300 horas máis aínda que o alcalde do Pino, Manuel Taboada, dixo que “Agora teremos que analizar se se pode facer unha ampliación do contrato, para incorporar, a maiores, estas horas de atención”.
Tamén por unanimidade, o Pleno aprobou propoñer unha modificación do PXOM para cualificar unha parcela na parroquia de Arca como so urbano consolidado, dando así cumprimento a unha sentencia do TSXG, que estimou o recurso presentado pola propietaria de dita parcela.
