Bisbarra, 2 de novembro do 2020 – Parar o Covid depende de nos, é a idea sobre a que insisten todos os responsables que ven como a maioría dos casos se producen no ámbito familiar.
É dificil saber como o virus chega as casas pero todos coinciden en que é aí onde hai que facer o esforzo por parar o Covid. O peche perimetral de Santiago, Ames e Teo, convertidos nun só pobo xa que os desprazamentos internos están permitidos, ten que servir para conter o aumento de casos que se produce cada día. A Ärea Sanitaria Barbanza pasou de 1.332 contaxios activos o pasado venres a 1349 o sábado e 1372 o domingo.
A situación nos colexios segue a mesma evolución. O pasado xoves falabamos dunha pequena diminución de casos que, vista en perspectiva, non ten relevancia xa que o día 27 os positivos por Covid nos centros educativos eran 137, o 28 baixaban a 133 pero o 29 volvían a eses 137 e o sábado día un as cifras oficiais eran, na Área Sanitaria, de 153 casos e 4 aulas pechadas.
Chamamento dos alcaldes
Os rexedores de Santiago, Ames e Teo facían un chamamento á responsabilidade para parar a pandemia. O rexedor compostelán, Xosé Sánchez Bugallo, entendía a medida xa que Santiago estaba por riba dos 400 casos activos e incidía en que o 80% dos contaxios producíanse no ámbito familiar
José Miñones, alcalde de Ames, publicaba un vídeo no que apelaba tamén á responsabilidade individual para baixar a cifra de máis de cen casos activos no concello
Pola súa banda o rexedor de Teo, Rafa Sisto, en declaracións a Radio Galicia Cadena SER apelaba tamén a responsabilidade individual