Padrón, 6 de abril do 2022 – O pleno municipal de Padrón aprobou unha suba do canon da auga dun 16,12 % co único voto en contra do BNG.
A maioría absoluta do Partido Popular e as abstencións de Psoe e Compromiso permitiron a modificación da ordenanza Nº4 onde se sube a taxa polo servizo de auga e sumidoiros.
A voceira nacionalista, Beatriz Rei, era moi crítica cunha suba que afecta ás familias de forma independente aos ingresos “este non é o momento de obrigar á cidadanía a enfrentar unha nova suba taxas de impostos indirectos, que significa unha suba de igual porcentaxe independentemente dos ingresos das diferentes familias”.
O equipo de goberno do Partido Popular tamén foi moi criticado desde a oposición por unha suba de impostos que contradice as demandas do partido a nivel nacional. A Concelleira do BNG resalta que “mentras Feijoo pide ao goberno do Estado que baixe os impostos e utiliza esto como argumentario para atacar ao goberno, o mesmo partido do Partido Popular fai o contrario no Concello onde goberna”.
Desde o BNG lamentan unha subida de impostos nun momento “sensible para a economía das familias e de pequenas e medianas empresas, escollendo, unha vez mais o peor momento para facelo, demostrando así a súa incapacidade para gobernar”.