Ames, 9 de xaneiro do 2017 (fonte Pacto X Ames) – Para Pacto X Ames “O tripartito de demostra que non da o nivel en labores de goberno ao declarar de emerxencia a xestión do servizo de axuda no fogar cando dende hai 20 meses sabían que vencía o 30 de decembro”.
O goberno tripartito de Ames, para Pacto, demostra cada día que os grandes temas non son capaces de sacalos cun mínimo de solvencia, RPT, Presupostos e agora o contrato da Xestión do Servizo de Axuda no Fogar.
Segundo Pacto X Ames tiveron 20 meses para confeccionar un prego adecuado e agora declaran a situación de emerxencia coa desculpa de que as “novas necesidades detectadas no servizo non están recollidas no contrato asinado no ano 2010”
O goberno non explica cales son esas necesidades detectadas nin o motivo polo que se tardou case dous anos en sabelas, o que demostra pouco rigor nas labores de goberno.
Este servizo foi contratado polo goberno socialista o 10 de decembro de 2010 por un prazo de 4 anos e posteriormente prorrogado polo goberno do PP o 23 de decembro de 2014 por dous anos que finalizou o 30 de decembro de 2016.
O tripartito de Ames recorre á declarar a Emerxencia para un servizo que debería ser de atención prioritaria para un goberno que pretende presumir de social. A declaración de emerxencia ten unha duración de 6 meses e deberá prestarse nas mesmas condicións que o actual contrato.
Despois de 20 meses, e tendo a intención de non recorrer a outra prórroga, o tripartito propón unha nova licitación que aínda foi publicada o 26 de decembro de 2016, de aí a decisión/obrigación de declarar a emerxencia. O prazo para a finalización de ofertas aínda finaliza o 10 de febreiro de 2017 e o importe desta licitación é de 1.532.535, 30 €.
Dende Pacto X Ames consideran que despois de 20 meses, é lamentable que o goberno tripartito non tivera claro que este procedemento debería ser unha prioridade.
