Bisbarra, 9 de maio do 2024 – O concello de Oroso aprobará previsiblemente o seu orzamento anual no pleno do vindeiro luns.
Oroso bate un récord na partida de ingresos a consecuencia de distintas subvencións e liñas de financiamento procedentes de administracións públicas. Tamén inflúe en este aumento de ingresos o remate da bonificación do IBI da AP-9 e que suporá cerca de 264.000 euros.
O alcalde, Alex Doval, agradeceu ao alcalde de Abegondo, Jose Antonio Santiso Miramontes, xa que “foi o que fixo posible coas súas xestións o fin da bonificación da autopista e o aumento da recadación dos concellos”
Unha das principais liñas do orzamento será a dirixida ao emprego, fomentando a contratación de 25 persoas a través de plans como o PEL, da Deputación da Coruña, ou o APROL, da Xunta de Galicia. Obradoiros de Emprego ou contratación de mulleres vítimas de violencia de xénero formarán parte tamén de esta partida.
Doval indica que “a maior política social é a do emprego e se somos capaces de incorporar este número de xente que ademais vai mellorar os servizos públicos que se fan dende o concello, estaremos na boa dirección tanto en política social como en funcionamento e xestión dende o concello”
Outra liña dos orzamentos de Oroso que crece é a da inversión social xa que os programas de conciliación e o gasto dedicado ao Servizo de Axuda no Fogar (SAF), que o seu estudo económico valora en máis de 800.000 euros.
Co novo goberno ponse en marcha, por outra banda, o programa de financiación ás comisións de festas, unhas subvencións que permitiran, de maneira igualitaria, empregar ditos fondos a aquelo que os veciños consideren necesario.
No capítulo de investimentos cóntanse ata 37 actuacións proxectadas alcanzando os 1.7 millóns de euros. Por outra banda o Plan de Inversións do concello referente ao ano 2024 conta cun aporte que elevaría a contía a 2.5 millóns de euros pendentes de asignar os fondos correspondentes co remanente a do POS complementario.
