Oroso, 11 de maio do 2017 – O Concello de Oroso, a través da Aula CeMIT de Sigüeiro, organiza un curso gratuíto de Iniciación á Impresión 3D.
O cutros terá lugar os días 16, 18, 23 e 25 de maio, en horario de 10:30 a 12:00 horas. As inscricións poden realizarse a través do teléfono 981 688 950 ou na web https://cemit.xunta.gal/centro/53.
O curso está dirixido a todas aquelas persoas que queiran introducirse no mundo da fabricación dixital e manexo das impresoras 3D, xa que non fai falla ter coñecementos previos específicos. Proponse un achegamento de carácter teórico ao mundo da impresión 3D para facilitar o deseño e execución dalgunha peza en seguintes sesións. Así, o alumnado aprenderá a preparar os modelos para a súa impresión, a escanear en 3D a partir de fotografías e a coñecer as ferramentas precisas para o modelado e a impresión en 3D.
