займ срочно

A Aula Mentor de Oroso abre as inscricións

0

Bisbarra, 8 de setembro do 2023 – A Aula Mentor de Oroso abre as inscricións nos máis de 200 cursos de formación en liña que se impartirán esta tempada.

O proxecto EducaOroso comeza a matriculación para unhas actividades nas que o alumnos estará en permanente contacto cun titor. A flexibilidade é unha das vantaxes da Aula Mentor xa que o estudante determina o horario e lugar onde realizar o curso, dende a súa casa ou acudindo á aula.

Existe unha ampla oferta formativa atendendo a todo tipo de necesidades e especialidades: coa opción de elixir entre cursos en aberto (gratuítos) e cursos con titor. Ao finalizar o curso o alumno recibirá unha certificación outorgada polo Ministerio de Educación e Formación Profesional e a Consellería de Cultura, Educación e Universidade.

Ademais na Aula Mentor o titor comprométese a contestar antes de 48 horas ás consultas dos alumnos. Con excepción de fins de semana, festivos e o mes de agosto.

A Aula Mentor EducaOroso está equipada cos elementos necesarios para realizar un curso Mentor (ordenadores, conexión a Internet, materiais, programas informáticos…) e conta co asesoramento dun profesor administrador (persoa responsable do funcionamento da aula).

Aula Mentor está dirixido a persoas adultas maiores de 18 anos cun extenso catálogo de cursos cos que ampliar as súas competencias persoais e profesionais que lles permitan reforzar as posibilidades de empregabilidade.

Os cursos están referenciados ao Catálogo Nacional de Cualificacións Profesionais polo que existe a posibilidade de acumular e capitalizar aprendizaxes que son susceptibles de recoñecemento na educación regrada a través dos Procedementos de Avaliación e Acreditación de Competencias.

Actualmente o prezo do curso é de 24€ mensuais, sendo a matrícula inicial de dous meses (salvo nos cursos con certificación de 30 horas cuxa matrícula inicial é dun mes). Posteriormente poderás proseguir o cursos destinando máis tempo mediante recargas mensuais de 24€. Para obter máis información pódese acudir ao catálogo de cursos, cubrir o formulario de contacto na web do concello, ou escribir un correo electrónico a oroso@aulamentor.es .

Share.

Comments are closed.