Ordes, 9 de xuño do 2017 – O goberno municipal de Ordes viu rexeitada a proosta de orzamentos e terá que valorar si os vincula a unha moción de confianza e a amenaza dunha moción de censura.
As contas rexeitadas ascenden a preto de 9.100.000 € e só foron avaladas polos cinco membros do Goberno Local, votando en contra os once concelleiros da oposición presentes na sesión. Unhas contas “niveladas nos seus estados de ingresos e gastos” segundo o informe de Intervención, e que “cumpren coa normativa reguladora das Facendas Locais”.
As contas según o equipo de goberno caracterízanse polo mantemento dos servizos esenciais, con especial dedicación aos colectivos máis desfavorecidos, sendo as súas liñas fundamentais o saneamento das contas municipais mediante a contención do gasto público e a eficiencia na asignación dos recursos municipais. Tamén se sinala a sustentabilidade dos servizos municipais fundamentais, o mantemento dos créditos ás políticas sociais, de emprego e fomento económico, así como aos investimentos produtivos.
Cuestión de confianza
José Luis Martínez Sanjurjo, alcalde de Ordes, avanzou que nestes días tratará co seu equipo a posibilidade de formular á corporación unha cuestión de confianza que, de prosperar, daría luz verde a estas contas. No caso de perdela a oposición tería un prazo para presentar unha moción de censura e non caso de non facelo os orzamentos tamén quedarían aprobados.
Non adscritos
O grupo dos non adscritos baseou a súa oposición aos orzamentos en aspectos relacionados coa participación cidadá na súa confección ou no incremento do gasto en servizos sociais a través da Mancomunidade de Ordes (36.000 €), entre outros.
UXO
Baseándose en aspectos legais tanto o Interventor como o Secretario municipal rexeitaron as emendas formuladas por UxO, cuxa aplicación poría en risco servizos esenciais no día a día da cidadanía ordense. A demora no seu rexistro imposibilitou o seu estudo e o informe preceptivo dende o punto de vista da legalidade orzamentaria. No relativo ás cuestións relacionadas cos pagos aos traballadores municipais, á supresión da convocatoria pública de prazas ou os posibles cambios na RPT a negativa a debatelas fundamentouse nar competencia exclusiva do alcalde. Este lembroulle á bancada de UxO que a RPT vixente a día de hoxe “foi aprobada no ano 2010 por vostedes e non se chegou a pesentar ningunha alegación no prazo pertinente”. Martínez Sanjurjo tamén cuestionou abertamente “que estes incrementos salariais, a día de hoxe inasumibles polo Concello, non se aplicaran ao longo dos oito anos que estiveron no poder”.
As elevadas reducións económicas plantexadas nas emendas dos independientes ascenden a un total de 594.000 €, as cales se asignarían á amortización de débeda. En palabras de José Luis Martínez Sanjurjo a dita proposta faría inviables servizos como o guindastre, o asesoramento urbanístico. Tampouco se poderían manter as instalcións municipais eléctricas ou os mantemento de parques públicos e zonas verdes en condicións favorables. Impedirían tamén cumprir coa normativa vixente relacionada coa recollida selectiva de papel e cartón, ou incluso co referente á publicación dos anuncios no BOE, DOG E BOP, o que imposibilitaría a posta en marcha de calquera acordo aprobado no Concello.
Psoe
O Partido socialista votou en contra dos orzamentos porque non se recollen as propostas presentadas polo partido. O voceiro municipal socialista, Alejandro Manteiga, explica que “os socialistas presentamos nove emendas aos orzamentos, que non aparecen recollidas de forma específica na documentación levada ao pleno, por moito que o alcalde insistiu no debate en que se contemplarían no epígrafe de estudos e traballos técnicos”. O voceiro municipal socialista tamén amosou a súa sorpresa por que “máis do 12% dos orzamentos, é dicir, máis de 1,100.000 euros figuren baixo un epígrafe xenérico como estudos e traballos técnicos. Non é lóxico
BNG
O BNG tamén votou en contra dos orzamentos ” xa que non viron satisfeitas as propostas que presentaron no mes de novembro” según o portavoz nacionalista Pablo Vidal. Consideran ridícula a cantidade de 20.000 € para a posta en marcha dun viveiro de empresas, cren que destinar 3.000 € a unha bolsa para deportistas destacados é unha tomadura de pelo, e consideran que querer destinar 60.000 € a construción dun centro sociocomunitario no Campo da Feira e a volta as obras “faraónicas”.
