займ срочно

O Santiago Futsal vence en Gran Canaria e o Noia derrota ao Elxe

0

Bisbarra, 25 de marzo do 2019 – Boa fin de semana ara os equipos da segunda nacional de fútbol sala, o Santiago Futsal segue cunha boa progresión e o Noia consegue 3 puntos de ouro ante o Elxe cara a saír dos postos baixos da táboa.

Noia Portus Apostoli

O 23 seguro será un minuto que tardarán esquecer os afeccionados noieses pois supuxo o revulsivo no que o persoal noiés deu a volta a un marcador adverso de 0-2.

O Noia  Portus  Apostoli tiña todo preparado para vivir un partido que se presentaba transcendental para as súas aspiracións que non son outras que manter a categoría.  Ademais, os nenos da base vivirían unha xornada especial pois se converterían en protagonistas recibindo a ovación do público presente na súa presentación oficial.

Os primeiros minutos foi unha  constante idas e vindas de ambos os conxuntos ás porterías rivais aínda que con máis definición por parte dos castellonencos. Ao Noia  Portus  Apostoli podíalle un pouco a ansiedade sendo incapaces de materializar as escasas ocasións que tiveron durante o primeiro tempo.

Máis  sedentos parecían estar os xogadores do  Bisontes Castelló que se reencontraban co gol no 12 cun tanto asinado por  Malawi. Un minuto despois e sen tempo á reacción por parte da escuadra noiesa, marcarían o segundo por medio de Lorca. Remando  contracorrente co 0-2 en marcador discorreu o tramo final do primeiro tempo no que os  noieses buscaron reducir distancias sen éxito mentres que os castellonencos facían o propio para aumentalas.

Tras o paso por vestiarios produciuse un revulsivo no persoal noiés. Saíron a por todas e obtiveron recompensa. Nos primeiros compases deste segundo acto avisaba Colorado e Pizarro e como quen a segue conséguea foi Daniel Colorado quen estreo o luminoso para os seus no minuto 22. Un minuto despois, e tras unha boa xogada  combinada entre Pizarro, Antoñito e  Quilez, sería este último quen subiría o empate ao marcador. E tras o saque de centro e sen esperalo sería a quenda de Juan Pizarro quen batería sen pudor ao gardameta Nacho Serra, adiantando aos seus. Todo estaba por definir. Aínda restaban 17 longos minutos para o final do partido. Era o Noia quen tiña que arriscar e así o fixo e aínda que non asinou o seu mellor partido si o máis efectivo, polo menos, de fronte ao gol. E no 26  Uri, tras tres semanas de parón, reaparecería en pista para marcar 4º gol do Noia  Portus  Apostoli que ampliaba distancias no marcador  dándolle algo de tranquilidade.  

Parecía que o marcador non cambiaría máis de vestimenta, pero en cada contra noiesa, a afección vestida co dorsal número seis empuxaba aos seus xogadores alentándoos nas súas aproximacións á portería de Serra que foron moitas. E así é como chegou Pizarro no 33 para marcar o 5- 2.

Xa quedaba menos para a finalización do partido. Os noieses estaban cada vez máis preto da vitoria pero como xa se sabe, neste deporte, o partido non acaba ata o 40 por tanto seguiron na loita por non deixar escapar 3 puntos de suma importancia. Con tiros a porta baleira de  Javaloy, Dani Colorado ou o propio  Brais desde a súa propia portería, chegaría o sexto e último gol da tarde, na que  Uri faría dobrete.

Santiago Futsal

Os dous equipos chegaban con ganas ao choque deste sábado en Santa Isabel. O Gran Canaria FS co obxectivo de tentar afastarse do descenso, e os santiagueses para seguir enganchados a ese soño que, segundo parece, non están dispostos a abandonar.

O partido comezou cun gol de  Zequi cando algúns dos presentes aínda estaban a buscar os seus asentos. O 7 celeste puxo por diante aos de Santi Valladares nos primeiros 20 segundos de partido, algo que non cambiou ata o asubío final.

Os visitantes buscaron o empate, ben a través do seu xogo de 4 ou co porteiro xogador. A defensa local, axudada polas paradas de  Iago Barro, non permitía que entrase ningunha das ocasións rivais.

Corría o minuto 15 e Dani Branco recuperou un balón no bordo da área, conseguindo marcar co porteiro fóra da súa portería e entre as pernas dun defensa. A alegría foi breve, xa que  Orellana conseguiu recortar distancias e poñer o 2-1 co que o partido se foi ao descanso.

Na segunda parte o Santiago  Futsal pisou o acelerador grazas á súa eficacia ofensiva e o seu, máis que coñecido, bo facer defensivo. Os minutos pasaban e os xogadores locais achegábanse máis á portería rival.

Un gran Dani Zurdo iniciou unha xogada que, tras un gran pase de  Zequi, acabo cun gran  taconazo de  Christian Chao que supuxo o 3-1. A partir de aí o Gran Canaria FS baseou o seu xogo no porteiro xogador pero pagouno caro cos goles de  Zequi no minuto 31 e de  Brian no 33.

A partir de aí o partido relaxouse, asumindo como imposible a hipotética remontada e deixando ao Santiago  Futsal invicto en Santa Isabel desde o pasado 10 de novembro.

Share.

Comments are closed.