O Pino, 16 de setembro do 2019 – O Grupo de Desenvolvemento Rural Ulla Tambre Mandeo organiza una Ruta ambiental en O Pino que percorrerá a praia fluvial e a senda botánica do Río Mera.
O obxectivo desta iniciativa é coñecer a guía da flora e a fauna do entorno do Mera e os usos e tradición do Ulla, Tambre e Mandeo
O roteiro celebrarase o xoves 19 de setembro ás 16.00 horas. As inscricións faranse enviando un correo electrónico a leader@gdrullatambremandeo.gal ou chamando ao 981 511 377.
A Senda fluvial e botánica do río Mera discorre polas marxes do río Mera desde o lugar da praia fluvial da Tarroeira, onde se une co río Tambre, ata a igrexa de Gonzar.
A senda divídese en dous tramos. O primeiro vai desde a praia fluvial da Tarroeira ata Ponche Puñide, onde se atopa a coñecida ponte romana de Ponte Puñide e o afamado Muíño de Pena. O segundo tramo vai desde Ponte Puñide ata a igrexa de Gonzar. Todo un paseo ao longo do río Mera para aqueles amantes do patrimonio natural e cultural, que ademais de gozar da senda botánica, pretendan facer un pequeno percorrido a maiores para visitar a igrexa de Gonzar.