Compostela, 29 de maio do 2018 – Este venres a Unitaria do barrio de San Pedro acolle o evento Noites Teimudas, relatos de fracaso para chegar ao éxito co obxectivo de celebrar os fracasos dende o humor e a comunicación positiva.
Noites Teimudas celebrarase este venres 1 de xuño a partir das oito da tarde na Escola Unitaria do Barrio de San Pedro. A idea xorde de Sofía Arangüena, estudante do posgrao Experto en Xestión Cultural da USC coa cal pretende quitar estigma os fracasos, (incluso celebralos), dende un ton directo, inspiracional e humorístico a través de testemuños de profesionais da cultura.
A velada terá como protagonistas a personaxes públicas tales como Diana López Varela, guionista, columnista e escritora de “No es país para coños”, Carmen Conde, humorista e narradora oral e Uxio Novoneyra fillo, xestor cultural, xestor de proxectos europeos e aldeólogo.
Ademais dos relatos, a velada contará cun coloquio interactivo onde os asistentes se sentirán parte da mesma e un peche musical coa artista multidisciplinar Laura LaMontagne.
O custo do evento será de 5 euros sen consumición
Sobre Noites Teimudas
Noites Teimudas “relatos de fracaso para chegar ao éxito” ten a perseveranza, a coraxe, a positividade e o aprendizaxe como valores fundamentais. Busca naturalizar o fracaso como parte de vida, e mais especificamente,da vida laboral dos profesionais da cultura. Ademais,
como selo distintivo, pretende facelo dende a motivación, o discurso inspiracional e o humor.
Pero non só iso, tamén pretende dignificar e revalorizar as actividades, traballos e accións que fan estes profesionais e a súa importancia real no desenvolvemento social, económico e político, e denunciar a precariedade e inestabilidade de este sector imaxinado colectivamente como lugar do entusiasmo en palabras de Remedios Zafra, que non precisa de mais apoio ou recursos debido a paixón dos profesionais que o conforman.
Noites Teimudas será unha velada onde se festexe o saber facer dos galegos, a nosa teima a nosa retranca e creatividade como forma de entender o mundo.
