Noia, 12 de maio do 2021 – O concello de Noia organiza unha xornada sobre Bioeconomía e Economía Circular no edificio do Casino da vila.
A cita será o vindeiro día 21 de maio as sete da tarde. A xornada leva por título “Cara a unha economía local rexenerativa” e forma parte do proxecto europeo Circular Labs, no que a Fundación Paideia Galiza toma parte xunto con outras 10 organizacións.
Circular Labs ten como principal obxectivo a integración da Economía Circular en novos modelos de negocio, e acelerar a transición dun modelo “lineal” a un modelo “circular” baseado na eficiencia no uso dos recursos.
No primeiro Podcast de Lindeiros tedes máis información sobre economía circula nunha ampla conversa co catedrático Xavier Vence. Podedes unirvos no seguinte enlace
As prazas para a xornada de Noia son limitadas polo que a inscrición é necesaria. Podedes anotarvos na web de Paideia.