Noia, 3 de agosto do 2018 – Hoxe remata o Noia Harp Fest cunha xornada especialmente feminina, protagonizada pola bretoa Clotilde Trouillaud, que actuará en Santa María A Nova; o cuarteto galego Lulavai e o trío da búlgara Rossitza Milevska.
Clotilde Trouillaud,
As sete da tarde na Igrexa de Santa María a Nova estará Clotilde Trouillaud, unha muller que procede da música tradicional bretoa, onde participa en numerosas experiencias musicais. Despois de variaspublicacións colectivas especialízase na composición a partir do seu album en solitario “Solo” en 2011, que foi moi ben acollido pola crítica.
Rossitza Milevska, imaxe de Rossita Lamourette
A partir das nove e media na Praza do Tapal chegará o segundo concerto da xornada. Lulavai son Lorena Reinaldo, Paula Oanes, Josefa Fernández e Elena Paz, un insólito cuarteto femenino onde o protagonismo das arpas e o son doce das súas voces dan vida a un estilo propio e único. Volven ao Noia Harp Fest na quinta edición despois de ter participado na primeira en 2014.
Rossitza Milevska formouse en Sofía (Bulgaria), aínda que agora desenvolve a súa carreira profesional en Francia. Cultiva dun xeito moi persoal a música de jazz na arpa clásica de pedais. Este vai ser o seu único concerto en España, onde o trio vai sorprender ao público cun repertorio especialmente orixinal e creativo.
Este festival está organizado polo Concello de Noia co apoio da Deputación da Coruña.
