Bisbarra, 8 de maio do 2024 – A Praza de Abastos de Compostela acolleu a presentación da décima edición do evento Estrelas no Camiño, que reunirá en Negreira a máis de 30 chefs con estrela Michelin.
A gran novidade de este ano será a incorporación do Bocado Solidario da man de Estrella Galicia. Tera lugar do 23 ao 26 de maio en colaboración coas 5 Asociacións de cociñeiros de Galicia. Os locais escollen calquera tapa, prato ou menú acompañado con Estrella Galicia Especial. A consumición conleva unha doazón en favor da causa apoiada por Estrelas no Camiño: a Asociación Galega Síndrome X Fráxil.
É a segunda ocasión na que os beneficios van destinados á Asociación Galega Síndrome X Fráxil “á que expresamente lle agradecemos a súa incrible labor e esforzo social e comprácenos saber que poderemos continuar axudando no seu labor pola investigación e apoio ás familias”.
Como cada ano, entre as actividades que se van desenvolver está previsto percorrer un tramo do camiño de Santiago, levar aos chefs ao mercado de Abastos de Santiago de Compostela, e se o tempo o permite, visitar o Monte do Gozo.
O evento central de Estrelas no Camiño terá lugar o luns 10 de xuño na Finca Casa Barqueiro en Gonte, Negreira. Alí está previsto a celebración dunha feira de gastronomía e viño da que desfrutarán tantos os chefs convidados coma o asistentes.
Posteriormente terá lugar unha cea, tipo cóctel e de estacións gastronómicas con showcooking na que non faltará a animación e a música. As entradas estarán á venda desde en www.ataquilla.com
Para os que non poidan asistir pero desexen colaborar poden achegar a súa doazón na mesa cero: ES73 2080 0348 3930 4001 2408.
Asociación Galega Sindreome X Fraxil-A. G15662505.
Entre as estrelas Michelin convidadas a Gonte cabe salientar Martín Berasategui, Eneko Atxa, Helena Arzak, os irmáns Torres, Valerio Carrera, Manuel Costiña, Lucía Freitas, Pepe Vieira, Marcelo Tejedor, Miguel González, Fina Puidevall e sua filla… entre outros moitos cociñeiros de renome nacional e internacional.
