Bisbarra, 19 de decembro do 2023 – Hai máis dunha década que un grupo de amigos ao sendeirismo decidiron que o Nadal era unha boa data para subir a un monte e poñer un belén.
Con esta premisa naceu o Belén de Cumios que cada ano forma parte da programación de Nadal do concello. Unha andaina popular que remata coa colocación do beén nun dos altos que rodean o concello.
Unha andaina de nove quilómetros que sairá as nove e media da mañá do Campo da Feira de Negreira e chegará ata Fontemirón, na parroquia de Santa María de Portor. Na cumbre situarase o pequeno belén que seguirá alí ata que pasen as datas festivas.
Ao remate da ruta os participantes poderán repoñerse, e quentarse, cunha chocolatada no centro sociocultural. As inscricións son gratuítas e poden facerse no seguinte enlace.
A cita o vindeiro sábado 23 de decembro.
