Bisbarra, 8 de outubro do 2021 – O Administrador de Infraestruturas Ferroviarias, Adif, iniciou a execución das medidas deseñadas para mellorar a protección do viaduto do Ulla co fin de evitar os accesos non autorizados.
As medidas previstas no viaduto do Ulla son a instalación de cámaras con sistemas de detección de movemento, o aumento da vixilancia na zona e substitución do valado actual por un cerramento urbano mixto.
O obxectivo destas actuacións, cun prazo de execución dun mes, é evitar o acceso de persoas non autorizadas á superestrutura e taboleiro do viaduto, co consecuente risco para a seguridade das persoas e as circulacións ferroviarias.
Adif intensificará a vixilancia da contorna do viaduto do Ulla, cun aumento das patrullas e roldas de vixilancia por parte do seu servizo de seguridade.
O viaduto sobre o río Ulla, en servizo desde abril de 2015, constitúe a estrutura máis emblemática do Eixo Atlántico. Próximo ao estuario da ría de Arousa, conecta as provincias de Pontevedra e A Coruña, entre os municipios de Catoira e Rianxo, nunha contorna natural de extraordinaria beleza e sometido a especiais condicións ambientais.
