Melide, 9 de agosto do 2019 – O Concello de Melide vén de solicitar á Xerencia de Xestión Integrada de Santiago o reforzo de persoal médico e enfermeiro para o Punto de Atención Continuado (PAC) da vila, nun mes, agosto, no que a poboación da vila chega a triplicarse
As necesidades no PAC vense tamén acrecentadas co aumento da chegada de peregrinos e a celebración das festas de San Roque. Mentres, ao mesmo tempo, é a época no que os sanitarios teñen vacacións. Todo da nunha enorme escaseo de recursos.
Por esta razón, dende a Concellería de Política Social, Mocidade e Saúde do Concello de Melide, que actualmente dirixe Carmen Liñeira, veñen de solicitar a ampliación e reforzo do persoal médico e enfermeiro preciso para cubrir todas as necesidades que presenta neste mes de agosto o PAC da vila.
Actualmente o centro de saúde de Melide conta cuns 7025 cartóns sanitarios e os últimos datos publicados apuntan a que o PAC melidense chega a atender unha media de 9600 pacientes como cabeceira de Comarca que dá servizo sanitario tamén aos veciños e veciñas de Santiso e Toques.
