Noia, 8 de xuño de 2021 – A Xunta de Galicia ven de adxudicar a rehabilitación da Ponte Nafonso, no concello de Noia, cun investimento previsto de 574.000 euros.
A Ponte Nafonso forma parte da estrada AC-196. O proxecto ten un prazo de execución de seis meses e comezaran a principios de xullo. O obxectivo prioritario do proxecto é mellorar a seguridade e garantir a súa conservación.
Os traballos consistirán na substitución do pavimento e da varanda existente, que se atopa deteriorada. Tamén se levara a cabo a limpeza dos paramentos exteriores da ponte coa fin de mellorar o seu aspecto estético, eliminando os elementos danados da fachada da fábrica de pedra para mantela en bo estado de conservación.
O proxecto en Ponte Nafonso tamén prevé dúas actuacións concretas para iluminar a calzada e para a iluminación monumental da propia ponte, o que permitirá a súa posta en valor e unha notable mellora na seguridade viaria para vehículos e peóns. Ademais colocaranse paneis informativos e carteis de localización.
Esta intervención enmárcase no programa pioneiro de control das pontes e obras de paso que está a desenvolver a Xunta, para preservar a seguridade e alongar a vida útil destas infraestruturas, con actuacións de conservación preventiva.
A Xunta continúa traballando no mantemento das estradas autonómicas co obxectivo de reforzar a seguridade viaria.
