Bisbarra, 17 de novembro do 2021 – Manuel Mirás Franqueira, ex alcalde de Oroso, tomou posesión do seu escano como senador, tras ratificar o seu acatamento á Constitución #ante o Pleno da Cámara.
O novo senador chega á Cámara Alta en substitución de Antonio Vázquez que renunciou recentemente á súa condición de senador. Foi o presidente do Senado, Ander Gil, o que ao comezo da sesión, reclamou a súa presenza para, ante un exemplar da Carta Magna, tomarlle declaración de acatamento.
Unha vez que expresou a súa promesa de respectar a Constitución, o novo senador tomou posesión do seu escano nas bancadas que no hemiciclo ocupa o Grupo Socialista.
Manuel Mirás Franqueira naceu en Ordes (A Coruña) o 22 de novembro de 1955. Desde 1983 estivo ligado ao Concello do municipio coruñés de Oroso, tempo no que foi concelleiro e, posteriormente, Alcalde, de 1991 a 1993, e desde 2001 ata o pasado mes maio.
Deputado provincial nos períodos comprendidos entre 1988 a 1991 e de 1999 a 2003. Vicepresidente da Federación Española de Municipios e Provincias de Galicia (FEGAMP), de 2015 a 2019
É Secretario de Política Municipal da Agrupación PSdG-PSOE Provincial dá Coruña desde 2017.
