Compostela, 9 de maio do 2024 – O aeroporto compostelá de Lavacolla sométese este mes a unha dura proba sobre a súa capacidade real co peche temporal do aeródromo de Peinador.
Si ben polo momento está aguantando hai momentos no que toda a estrutura de Lavacolla, desde o persoal ao equipamento, ponse ao límite. Os cambios na xestión de vos, como a saída de Reino Unido da Unión Europea, ou a falta de medios en terra das compañías non fan mñais que agravar o problema.
Falamos con Xabier Castro, responsable de coordinación de UXT para os tres aeroportos galegos. Comezamos preguntando polo momento que vive Lavacolla e recoñece que polo momento aguanta pero que hai horas puntas nas que a situación complícase moito.
Este mes comeza ademais a aumentar o volume de viaxeiros á cidade polo que sumar os de Peinador a Lavacolla converte a maio, tal e como o define Xabier Castro, nun mes de agosto en canto a volume de traballo.
A pregunta que xorde é si a ampliación do aeroporto foi suficiente. A resposta é complexa xa que cambios como a saída do Reino Unido da Unión Europea, os recortes na inversión por parte das compañías, ou mesmo cuestións tan inocentes como si un voo leva persoas maiores modifican a loxística de todo o aeroporto.
Outra das dificultades coas que se está atopando Lavacolla e o crecemento de pasaxeiros. As compañía non aumentaron os medios nin o persoal para o volume de traballo que ten Lavacolla e deberían comezar a pensar en manter as plantillas completas todo o ano.
As obras en Peinador está previsto que rematen a finais de mes o que daría un respiro ao aeroporto compostelá pero todos os implicados terán que sacar conclusións de todo o que suceda ao longo de este mes.
