Touro, 19 de decembro do 2016 – Máis de 200 corredores participaron na IV Carreira Pedestre Popular Concello de Touro.
Juan Pablo Fernández Rodrigues, natural de Teo e do Club Atletismo Santiago, fíxose coa IV Carreira Pedestre Popular Concello de Touro, cun percorrido de dez kilómetros. Foi o campión masculino na categoría absoluta.
O segundo posto ocupouno Alberto Rodríguez Pérez; do Club Atletismo Sar de Padrón; e o terceiro: José Manuel Penas Varela, do Club Cerne da Coruña.
Na categoría femenina a primeira corredora en chegar a meta foi María José Grobas Graboa, do Club Atletismo Boimorto. O podio foi completado por María Dolores Munín García (2ª), natural de Sigüeiro e independente; e por Pilar Gómez Otero (3ª), de Teo e do Clube Tartarugas.
A proba comenzou puntual. Ás 16.50 horas os organizadores deron a saída oficial brillando o sol durante todo o percorrido. A proba na categoría absoluta constaba de dez kilómetros e discurriu por diferentes puntos do Concello de Touro, fundamentalmente no núcleo urbano de Fonte Díaz.
Trala proba absoluta sucedéronse as carreiras das demáis categorías. A organización, que ofreceu unha camiseta a todos os participantes, entregou os trofeos para os tres primeiros clasificados de cada categoría. También tiveron premio os tres primeiros corredores locais da categoría absoluta. A entrega de premios, que estivo a cargo do alcalde da localidade, Ignacio Codesido, e da concelleira de Deportes, Adela Iglesias.
Na organización da carreira, ademáis do Concello de Touro, participaron a Federación Galega de Atletismo, a Deputación da Coruña e a imprenta Ayude de Arzúa. O alcalde de Touro agradeceu a todos os atletas a participación nesta proba que xa se consolida como unha cita clásica nas probas pedestres da comarca de Santiago.
