Noia, 26 de abril do 2022 – A concellería de Cultura de Noia, que dirixe José Pérez, remata o Mes do Libro coa presentación de “El Sexto evangelio” de José Manuel Castro.
A Casa da Cultura Antón Avilés de Taramancos acollerá esta actividade o vindeiro venres 29 de abril a partir das oito e media da tarde. “El sexto evangelio” é a quinta novela do autor e está inspirada no roubo do Códice Calixtino.
José Manuel Castro estará acompañado na mesa por Carmen Díaz e Emilio Hermo. Non fai falta facer previa inscrición, pero recoméndase o uso de máscara.
“El sexto evangelio”
A novela narra a historia de Jacqueline Bacon, sospeitosa do asasinato da súa avoa, segundo a investigación policial, un feito que garda relación co roubo do Códice Calixtino. Quen o roubou busca unha mensaxe oculta que pode levarlles a atopar un insólito manuscrito que fala da porta do ceo, e por esa razón, Jacqueline é envelenada por membros da Igrexa para impedir que o secreto que oculta na súa memoria salga á luz.
José Manuel Castro é un noiés que di escribir as novelas inspirándose “na realidade que sempre supera á ficción”. Esa forma de escribir dou tamén froitos como “A lenda da santa Compsña” que se inspirou nun accidente de autobús sucedido nos anos sesenta en San Xusto; ou a novela publicada no 2020 “Los hijos del mal” que toma como referencia o túnel que unía os conventos de monxas e curas de Noia e que sempre provocou rumores sobre as relacións que mantiñan.