Compostela, 22 de marzo do 2021 – Compostela Aberta preguntará no vindeiro pleno municipal polo uso de instalación deportivas por parte de equipos de fora da cidade.
A cuestión plantexada por Compostela Aberta nace da situación xerada coa desvinculación do club de fútbol Vista Alegre da Agrupación Estudantil C.F, un club da Estrada.
Según explica o concelleiro Xan Duro desde outubro, mes no que o Vistalegre informou da desvinculación, o club leva denunciando que a entidade do municipio pontevedrés segue a utilizar as instalacións deportivas municipais de Santiago. esta situación di Duro “causa prexuízos a outros equipos composteláns, habida conta das dificultades que existen para encaixar o uso dos equipamentos públicos por parte de todas as entidades do noso municipio”.
Coa pregunta que levará a Pleno, Xan Duro quere que a concellería de Deportes aclare en base a que regulamento permite o uso das instalacións deportivas municipais por parte da entidade estradense, e se existen outros casos de equipos de fóra de Santiago que utilicen os equipamentos da cidade, en calquera modalidade deportiva.