Compostela, 31 de xaneiro do 2019 – Voadora estrea no Teatro Principal, baixo a dirección de Marta Pazos, Hemos venido a darlo todo, unha declaración de principios xa desde o título.
Voadora pon sobre o escenario a dramaturxia de Fernando Eelde para mostrar toda a súa experiencia. Hemos venido a darlo todo é unha mostra do traballo de esta compañía con elementos como o movemento, a música e as imaxes.
En palabras da compañía: “ Un compromiso co teatro que se sinte, máis que co que se pensa, para o que precisamos de todos os vatios, todo o talento e toda a imaxinación do mundo. Queremos asinar co aquí e o agora, co inesquecible e con todas esas cousas que o espectador non pode atopar en ningún sitio mais que nunha sala de teatro.”
Dirección: Marta Pazos, Dramaturxia: Fernando Epelde, Intérpretes: José Díaz, Hugo Torres e Marta Pazos Música: José Díaz e Hugo Torres, Escenografía: Marta Pazos, Deseño iluminación: Nuno Meira, Axudante de dirección: Carmen Triñanes, Produción: Jose Díaz, Asistencia de produción: Liza G. Suárez
CLUB C! afonda na experiencia cultural de compostela
O Club C! é unha proposta de actividades para se achegar de xeito diverso aos contidos das actividades culturais composteláns. Relacionados coa función ‘Hemos venido a darlo todo’ o club C! ofrece unha #posfuncion e un #obradoiro
#Posfuncion de ‘Hemos venido a darlo todo’ Ao remate da función de venres 1 de febreiro, e unha vez que cae o pano, a convidada Anna R. Figueiredo e os elencos artísticos conversarán co público asistente.
Anna R. Figueiredo (Ourense, 1979) é profesora de física e tecnoloxía no ensino secundario. Ten recibido premios no eido literario e coloborou en banda deseñada. ‘Os bicos feridos’ (Premio Viadutos de Novela 2018) é a súa primeira novela
#Obradoiro multiplica. Manifesto Voadora. Obradoiro de linguaxe escénica a través do movemento, a imaxe e a música. Impartido por Voadora o sábado, 2 de febreiro de 11:00 a 14:00 h na Sala Mozart do Auditorio de Galicia. Prazas esgotadas.
Información da billeteira: 12 € (descontos habituais do 50%). Despacho de billetes do Teatro Principal. Aberto de martes a sábado (+ días de evento) de 18.00 a 21.00h. Os días que hai evento no Teatro, a venta anticipada remata ás 20.00h e só se venden entradas para o espectáculo dese día.
